ვარსკვლავების იმპერიის” მფლობელი და მძიმე გზა ნარკოტიკებისგან თავის დასაღწევად: ვინ არის ნუცა ბუზალაძის მილიონერი რჩეული – 26-წლიანი სხვაობა და კონკურსში დაწყებული “ლავსთორი”
ვარსკვლავების იმპერიის” მფლობელი და მძიმე გზა ნარკოტიკებისგან თავის დასაღწევად: ვინ არის ნუცა ბუზალაძის მილიონერი რჩეული – 26-წლიანი სხვაობა და კონკურსში დაწყებული “ლავსთორი”
28 წლის ქართველი მომღერალი ნუცა ბუზალაძე ოფიციალურად დაინიშნა. ინფორმაცია სოციალური ქსელში ვარსკვლავმა გულშემატკივრებს პირადად გაუზიარა. მისი რჩეული 55 წლის ამერიკელი აგენტს დარენ პრინსია. წყვილს შორის 26-წლიანი სხვაობაა. ნუცა წერს, რომ მათი ურთიერთობა პროფესიული კონტრაქტით დაიწყო, მაგრამ დროთა განმავლობაში სიყვარული მოვიდა. ლოს-ანჯელესში გადასვლის შემდეგ გრძნობები გაღრმავდა და ახლა თავს „დედოფლად“ გრძნობს.
ნუცა ემოციურად წერს:
“მე ვთქვი დიახ!!! ჩემს სუპერ აგენტს, ჩემს საუკეთესო მეგობარს და ახლა… ჩემს მომავალ ქმარს, Darren ჩემს ცხოვრებაში მაშინ შემოვიდა, როცა American Idol ის ფინალში ვმღეროდი. ის არ იყო უბრალოდ აგენტი, ის იყო სუუუუპერ აგენტი! მას შემდეგ რაც კონტრაქტი გავაფორმე მის კომპანიასთან, ყოველთვის ჩემზე მთელი გულით ზრუნავდა და ჩემი კარიერისთვის შეუძლებელს აკეთებდა.“
ვინ არის დარენ პრინსი?
ცნობილი სპორტისა და შოუ-ბიზნეს აგენტი — Magic Johnson‑ის, Hulk Hogan‑ის, Larry Bird‑ის და სხვათა წარმომადგენელი; “Aiming High” წიგნის ავტორი და ადვოკატი ნარკოდამოკიდებულების პრობლემებისა და ფსიქიკური ჯანმრთელობის სფეროში.
25+ წელია ამ სფეროშია და PMG‑ს მეშვეობით 500 მილიონ დოლარზე მეტი ღირებულების კონტრაქტებს აწარმოებს. ის თავადაც თვითონაც იყო დამოკიდებული, თუმცა 14 წელზე მეტია სუფთაა და აქტიურად ეხმარება სხვებს ამ გზაზე.
ბრძოლა დამოკიდებულებასთან
წარმატებული კარიერის ფონზე, დარენ პრინსი იმყოფებოდა მძიმე რეალობაში – ნარკოდამოკიდებულება ფარულად ანგრევდა მის ცხოვრებას. როგორც თავად ჰყვება, მან იცოდა, რას ნიშნავს იყო წარმატებული, მაგრამ შინაგანად ცარიელი.
ყველაფერი შეიცვალა 2008 წლის 2 ივლისს, როდესაც დარენმა გადაწყვიტა დამოკიდებულებისგან თავის დაღწევა და მას შემდეგ უკვე 14 წელზე მეტია რაც ნარკოტიკებს აღარ გაჰკარებია.
პრინსმა დააფუძნა „Aiming High Foundation“ — არასამთავრობო ორგანიზაცია, რომელთა შემოსავლები მიემართება მკურნალობის დაფინანსებაში. იგი ასევე არის ლექტორი და მოტივატორი – ხშირად გამოდის უნივერსიტეტებში, კორპორაციულ კონფერენციებზე და თინეიჯერული აუდიტორიის წინაშე.
ქართველ მომღერალთან სიყვარულის ისტორია:
ნუცა წერს, რომ მისი ლოს-ანჯელესში გადასვლის შემდეგ მათი ურთიერთობა სულ სხვა დონეზე ავიდა. ცნობილია, რომ დარენს მანამდე ცოლ-შვილი არ ჰყოლია და ნუცასთან პირველი ქორწინება იქნება.
